Blos mer jet & Bums Kapell
Musik: B.Antweiler / Bläck Fööss
Text: B.Antweiler / H. Knipp/ Bläck Fööss
Leeve Pitter kumm eraf
hück weed d‘r wilde Mann jemaat
Pitter kumm eraf, mer maache jet Radau
bräng alles met, wat öhntlich Krach määt
scheppert, fleut un pief
un verjiß och nit d‘r Pißpott un de Rief
un dann spille mer dat Leed met d‘r decke Trumm
un dat Leedche, wo et Grietche immer knatsch
un wemmer nit mih wiggerwesse, fange mir vun vürre aan
un dat esu lang bes et Grietche widder laach.

Refrain:
He spillt die "Blos mer jet & Bums Kapell“
bei uns kann jeder spille wat hä well
un dann singk jeder met uns die Leeder
die mer nit verjesse han
un immer widder all die Leeder
die mer deef em Hätze han
Mir sin die "Blos mer jet & Bums Kapell“
he spillt jeder wat hä kann, jeder wie hä well,
en dä "Blos mer jet Rums & Bums Kapell“

Leeve Pitter kumm eraf
saach wat määs du do esu lang
Pitter kumm eraf, söns kumme mir erop
mer bruche jede Jeck
dä blose un ene Knöppel halde kann
Loß dä Schoß en Rauh un treck dich endlich aan
jo, un dann spille mer dat Leed met d‘r decke Trumm
un dat Leedche, wo et Grietche immer knatsch
un wemmer nit mih wiggerwesse, fange mir vun vürre aan,
un dat esu lang, bes et Grietche widder laach.

Refrain: He spillt die "Blos mer jet & Bums Kapell“ ....

C-Teil:
Un eines, ja, dat es jeweß,
dat dreimol mull
noch immer null jeblevve es.
Manch einer, dä bejrief dat nie
ävver mir, ävver mir, ävver mir, ävver mir
mir weede immer mih.

Refrain: He spillt die "Blos mer jet & Bums Kapell“
© Bläck Fööss 2003