Ävver bitte, bitte met Jeföhl Text und Musik: Bläck Fööss   Am 11. 11. jeiht et widder loss. Scherve, Splitter, Schläjereie, stinkbesoffene Pänz, uns Altstadt es en Müllkipp, do kritt mer doch de Krämp. Vor der Bühne schwatze Sheriffs, Kameras un VIP's, die Lück, für die mer singe wolle, krijje janix met. Nä, dat wolle mer nit, dat bruche mer nit, dat simmer och nit. Nä, Nä, Nä do maache mir nit mih met, dat hät met Fastelovend nix zo dun. Mir singe jään, mir laache jään, mir esse, drinke, danze jään; mir bütze jään un mir fummele jään ävver bitte, bitte met Jeföhl! Musik vum Computer ohne Hätz un Siel, m`r darf och nit mih setze, m`r steiht nur op de Stöhl. Preise wie em Edelpuff, do kütt Frau Schmitz nit met, un wenn et dann nix zo laache jitt, jo blöder jeiht et nit. Unsere schöne Fastelovend kann un darf nit ungerjonn Loss mer en häje, loss mer en pfläje Jeder von uns kann jet dun Jo, do maache mer met et wed höchste Zick dat bruche mer hück Jo, jo, jo do simmer jään met dobei, dann mäht d’r Fastelovend widder Freud. Mir singe jään, mir laache jään, mir esse, drinke, danze jään; mir bütze jään un mir fummele jään ävver bitte, bitte met Jeföhl! Met Jeföhl un met Hätz un Siel !!! © Bläck Fööss 2008