ADSCHÜSS PARTIE
Musik: H. Knipp, Bläck Fööss
Text: H. Knipp, Bläck Fööss
Verlag: Manuskript
Jahr: 2003


1. Et brodelt schon zehn Johr en mir,
hück es dä Daach, do saach ich dir:
Met uns, do es für immer Schluß,
ich trecke wirklich us.
Adschüss Partie, mich sühs de he nit mih.

2. Ich han für dich em Dreck jewöhlt,
han jestaubsauch un jespölt.
Dä Hungk, dä han ich och jebad.
Ich ben doch nit ding Aap.
Adschüss Partie, schöne Mädcher jitt et noch mih.

Du wors für mich et jrößte Jlöck,
doch met d‘r Zick soh ich ding andere Sick.

3. Ming Liebe hät mich blind jemaat
un och ding joot Fijur.
Du wors die Frau us mingem Draum,
et wor die Liebe pur.
Adschüss Partie, ich kann wirklich nit mih.

4. Du bes jenausu wie ding Mamm
die hatt bei üch de Botze an.
Du bes noch schlimmer als wie die,
ding Mamm, die moot dich och noch nie.
Adschüss Partie, schöne Mädche jitt et noch mih.
Adschüss Partie, schöne Mädche jitt et noch mih.

5. Ich ben am Eng, nur noch e Wrack,
du jeis m‘r wirklich voll op d’r ...
(Saach wat denks du eijntlich wä du bes,
du weiß doch janit, wat du aan m’r häs)

6. Bei aller Liebe, jläuv et mir, ich han de Nas jetz voll,
han nur dat eine Levve, ich ben nit dinge Doll.
Adschüss Partie, ich han de Nas jetz voll.
Adschüss Partie, de Nas jestreche voll.
Adschüss Partie, schöne Mädcher jitt et noch mih.
© BLÄCK FÖÖSS