HEIMWEH EN KÖLLE
Musik: Bläck Fööss
Text: Bläck Fööss
Verlag: De Bläck Fööss Musikverlag GmbH
Jahr: 1982


1. Wenn ich dich su besin,
froch ich mich, moht dat sin,
wat se us dir jemaat,
schön, em Jroßformat.
Wie han se dich doch entstellt,
ohne Sinn un met vill Jeld.
Ich jläuven doch am Eng,
dat dir dat Kleid weed eng,
wat se Dir verpass.

Du bruchs mer janix zo erkläre.
Luur dich doch bloß ens richtich aan.
Du möhts dich langsam wirklich wehre.
Die maachen söns wigger in ihrem Wahn.

Refrain:
Loß dir vun keinem jet verzälle!
Du bes doch alt jenoch mi Kölle!
Denn söns hammer irjendwann,
un dat mäht uns bang,
Heimweh en Kölle.

2. Es dann en Stadt noch jesund,
wenn en ihrem Hätz kei Minsch mih wunnt?
Nur dä Rummel am Daach,
un usjestorve en der Naach.
Es dat all nix mih wäht,
wat en Stadt sympathisch mäht?
Wo es et hin, di Jemöt,
du staatse Frau?

Se han dich lang jenoch beloge,
met Klüngelei sich satt jemaat.
Ob die em Rat jet noh uns froge,
wat han se jeschwad, un wat jebrat?

Refrain:
Loß dir vun keinem jet verzälle...
© BLÄCK FÖÖSS