ECH BEN E KÖLSCHJLAS
Ich ben e Kölschjlas

Vers 1:
Ich ben e Kölschjlas,
han ´ne knüppelhade Job.
Wat he ´su afjeiht,
jo, do weds de ech beklopp.
Mer wed jebütz, jebösch, jespölt un poliert,
un bei d´r nächste Rund met Leppesteff beschmiert.

Ich ben e Kölschjlas,
minge Job dä füllt mich us,
an jedem eetste em Mond
es he d´r Düvel loss.
Die Lück han mich am leevste
voll un frisch.
Su e Stängelche wie ich
es e Jedich`.

Refr.:

Un dann stommer all em Kranz un sin am danze,
Karussellche fahre ahn d´r nächste Desch
Uns läuf d´r Schuhm d´r Liev eraf,
jeder will he singe Saff,
dat es e wirklich unbeschreiblich schön Jeföhl.

Jo un dann stommer all em Kranz un sin am danze,
un dann jriefe se uns jierig ahn d´r Hals.
Hück wed die Naach zum Daach jemaat,
et nächste Ründche steiht parat,
hopp en d´r Kopp,
3 mol Kölle Alaaf.

Vers 2 :
Ich ben e Kölschjlas, wat han ich nit all jesinn
E Schrüvje en d´r Zung un düüre falsche Zäng
Un brich sich einer vun uns Jläser et Jenick,
dann heiss et einfach nur „ Schirve brengen Jlöck „!

Ben nur e Kölschjlas, mancher kritt vun mir ne Buch
Doch ich ben rank un schlank un keinem dönn jenoch.
Em Lääve zählt nit immer nur die Jröße
Doröm freut sich och su mancher op e Stößje.

Refr.:

C-Teil:

Jede Mondaach hammer Ruhedaach
Un dann stommer janz entspannt en d´r Vitrin.
Einfach nix dunn, fällt e besje schwer,
e Jlas wat domm eröm steiht,
fühlt sich irjendwie leer.

Refr.:
© BLÄCK FÖÖSS