Musik: Bläck Fööss
Text: Bläck Fööss
Verlag: De Bläck Fööss Musikverlag GmbH
Jahr: 1976
1. En d'r Salzjass bei uns em Veedel
wo all die kleine Hüsjer ston,
he kom eines Sonndachs morjens
zor Freud vun all dä Lückcher
Dä Pütze Hein zor Welt.
Un paar Dach späder wor de Kinddäuf.
Do trof sich alles en d'r Kirch.
Dä Pastur zopp en en et Wasser
un jov em singe Säje.
Un dann fing dat Spillche an.
Refrain:
Alle Jlocke däten lügge
für dä kleine Pütze Hein.
Op de Stroß un en de Jasse
wood jesunge un jelaach.
Un kei Minsch wor mih doheim.
Op de Stroß un en de Jasse...
2. Su noh un noh wood dä Hein dann jrößer
un hatt nur dommes Zeuch em Kopp.
Doch bei all dä kromme Saache,
jov et immer jet ze laache,
wor hä doch dä leeve Jung.
En d'r Salzjass bei uns em Veedel,
do jitt et Freud, do jitt et Knies.
He trof hä zwanzich Jöhrcher späder
- Dä Hein wor jetz Vertreter -
vun nevvenan et Nies.
Refrain:
Un alle Jlocke däten lügge
für dä Hein un für dat Nies.
Op de Stroß un en de Jasse...
3. En d'r Salzjaß bei uns em Veedel
wo all die kleine Hüsjer ston,
jo, do kom dann drei Mond späder,
zor Freud vun all dä Lückcher
ne Pütze Fuss zor Welt.
Refrain:
Un alle Jlocke däten lügge
für dä Klein vum Pütze Hein
Op de Stroß un en de Jasse...
Alle Jlocke däten lügge
für dä Klein vum Pütze Hein
Op de Stroß un en de Jasse...