ZWESCHE KÖLLE, BRABANT UN FLANDERN
Musik: Bläck Fööss
Text: H. Knipp, Bläck Fööss
Verlag: Manuskript
Jahr: 2008


1. Sibbe Daach Rään, kei Leech un kein Sonn,
nix für ze freue, wat sommer do dun?
Färve un Wärme, wie op Bilder ze sin,
e paar Schrett nur, un ich ben em Museum ald dren.
Op dä Bilder vun jestern, do kann ich se sin,
Jeföhle un Färve, die unsterblich sin.

Refrain:
Rembrandt un Breughel, Bosch un Vermeer,
d`r Kopp kennt kein Jrenze, et Hätz weed nie leer.
Dä Draum vun ner besseren Welt op d`r Ääd
es su alt wie mir Minsche, et es nit ze spät.

2. Ich jon en e Brauhus, die Bilder en mir.
Dä Köbes, dä kütt och direk met enem Bier.
Do sin ich se widder wie vür iwijer Zick,
us dä Bilder jesprunge, die iwije Lück:
Flachskopp, dä Witte, Uylenspejels Till
wie en Brabant un Flandern, die Zick, die steit still.

Refrain:
Rembrandt un Breughel, Bosch un Vermeer...

3. Muss m`r sich kenne, öm sich ze verston?
Ich jläuve, mir han et ald immer jedon.
Do sin ich e Mädche su wie Anne Frank,
et laach voller Levve, dat määt mich krank.

Refrain:
Rembrandt un Breughel, Bosch un Vermeer…
© BLÄCK FÖÖSS