Mir wolle niemols erwahse weede
Text und Musik: Bläck Fööss/ Uli Baronowski

Mir wolle niemols erwahse weede,
mir wolle nie wie die Jroße sin.
Älder simmer all jewoode
ävver erwahse simmer nit, lang noch nit

Mir wolle niemols erwahse weede,
Mir wolle nie wie die Jroße sin.
Schön beklopp em Kopp wolle mer blieve
em Hätze simmer iwich jung.

Mir han et fuhsdeck hinger de Ohre,
mir stonn noch immer half em Saff,
dunn dä Mädche noch immer nohluure.
Wenn die dat sinn, laache die sich eine aff.

Mir han noch nie en Fleech jedrage,
han noch nie ne Diener jemaat.
Dunn nur em Bichtstohl de Wohrheit sage,
unser Pastor hät sich kapott jelaach.

Mir wolle niemols ....

Och wemmer langsam nit mih joot hüre,
nur wenn et Spass mäht, hüre mer hin.
Wat uns nit pass, dat soll uns och nit stüre,
sich opzoräje mäht doch keine Sinn.

Mir wolle niemols ...

© bläck fööss 2013