Text & Musik: Anno Thenenbach, Bläck Fööss

Intro

1
Jechillte Beats, de Fööss em Sand
Ne Grill vun d’r Tanke, en Fläsch en d’r Hand
Leechter spelle op dä Welle
Et Bier steiht em Wasser, d’r Rhing häld et köhl
„Plopp!“, Fläsch es op, Urlaubs-Jeföhl….

[Ref.]:
Heyyy, endlich Sommer
Heyyy, Sonnesching
Heyyy, endlich Sommer
Heyyy, aff zom Rhing
Hawaii-Hemp un Flip-Flops
Caipis un Wing
Heyyy, endlich Sommer
Sommernaach am Rhing

2
De Sonn es fott, noch immer wärm
Fründe setze – Ärm en Ärm
Einer spillt Jitta, andere singe
Mer jon an et Ufer, losse Steincher springe
En Naach wie för immer, de Zick steiht still
Dat es jenau, dat wat ich well…

[Ref.]:

Bridge
Minsche us aller Welt, Kölsch un fremde Sproche
Fläsche klinge, die Kiss es leer
Wo krije mer dann noch jet her?

[Ref.]: