WIE FRÖHER, NUR SPÄDER
Text: F.Altheide, Bläck Fööss
Musik: Bläck Fööss

1.
Alles hät sing Zick, doch manchmol jeiht et m’r zo flöck
Un ich ston wie ne Ohß vürm Berch
Wat jestern noch dä Bröller wor, dat hät hück ald jraue Hoor
Un ich luur blöd us d’r Wäsch

Doch wenn mir zosamme sin
Es alles, wie et immer wor
Dann sin m’r widder meddendren
Selvs noh all dä lange Johr

REF.
Weil dann es alles su wie
Fröher, nur späder Un jeder singk su laut hä kann
Un jeder föhlt sich su wie
Fröher, nur jet späder
An dat Jeföhl, do kütt nix dran
Su lang mir uns han

2.
Jeden Daach en Sensation, et muss hüher, schneller, wigger jon
Och wenn de langsam nix mih kenns
Ejal wie lang et Levve jeiht, nix es für die Iwichkeit
Die Zick, die läuf nit - nä, se rennt

Doch wenn mir zosammen sin
Dann es einfach alles klor
Un mir sin widder meddendren
Jenausu, wie et immer wor REF.
Weil dann es alles su wie
Fröher, nur späder Un jeder singk su laut hä kann
Un jeder föhlt sich su wie
Fröher, nur jet späder
An dat Jeföhl, do kütt nix dran
Sulang mir uns han

Zwischenteil
Em Levve bliev nix, wie et es
Mer muss et nemme, wie et kütt
Alles andere hät och keine Zweck
Wat bliev es die Erinnerung
Wie jot, dat mer se han
Die Zick jeiht wigger un mir jon met d’r Zick

REF.
…alles su wie
Fröher, nur späder Un jeder singk su laut hä kann
Un jeder föhlt sich su wie
Fröher, nur jet späder
An dat Jeföhl, do kütt nix dran
Sulang mir uns han

(Fröher, nur späder) - Un jeder föhlt sich su wie
(Fröher, nur späder) - Jo, dann es alles su wie
(Fröher, nur späder) - An dat Jeföhl, do kütt nix dran
(Fröher, nur späder) - Un jeder singk su laut wie
(Fröher, nur späder) - Un jeder föhlt sich su wie
(Fröher, nur späder) - Jo, dann es alles su wie
(Fröher, nur späder) … An dat Jeföhl, do kütt nix dran Su lang mir uns han


© BLÄCK FÖÖSS